السبت، 21 فبراير 2009

قصه أو شئ ما

.
جلست من بعيد أرقبه

وهو يجلس صامتا ساهما يتأمل البحر

ليست تلك اللحظه الاولى التى رأيته فيها

بل ومنذ الصباح وانا أتتبع وجودة

تحيطه هاله من الوقار المجلل بالرقىّ

يصاحبه العديد من الاقارب والاصدقاء

لكنه يخطف لحظات ساهمه يرنو فيها الى البعيد

كأنه يحدث احدهم او يرسل لها بسلام

يعود فيجذبه شخص ممن يرافقه

الى حديث جانبى او ثرثرة عائليه

يبتسم بشفاة غير فرحه

لما يظهر عليه ذلك الحزن الشفاف ؟

يحاول الفرار بلباقه لكن عيونه يقتلها الملل

فهو يرغب حقا فى الفرار منهم

يرغب فى الذهاب اليها

تلك التى يناجيها خياله طيله النهار

حتى أذا خيم المساء أستطاع الانسحاب منهم

انفرد بنفسه

اتخذ جانبا قصيا

اتكأ على مقعد حجرى مما ينتشر على الشواطئ

أخرج هاتفه . ضرب رقما

وقتها رأيت أبتسامه صادقه

اهآ . تراة يحدثها الان

حسن قد صدق حدسى

هى امرأة اذا

لحظات وأضاء وجهه بضياء باهر

ألان تأكدت

هى امرأة وقد أجابت أتصاله

حين جلجلت فى أذنى ضحكاته

أيقنت انه عاشق

قد هام بمعشوقته

حتى أنه لم يرى سواها فى وجوة الجميع

سحبنى خيالى الى البعيد

ترى ماذا قالت له كى يضحك

وهو منذ الصباح يكتفى بأبتسامه جافه

لعلها قالت له انها تحبه

وهو رد بتلك الضحكه الصافيه انه يحبها ايضا

تدللت هى وتاهت فى دلالها

وتدله هو وغرق فى صوتها

تالله ما أسعد المحبين

حين يبصرون الكون أصطبغ بألوان الحبور

ويذوب كلاهما بين ذراعى الاخر

يفقدون الساعات فى مجرى الزمن

غير راغبين فى أستردادها

هى تلك الاوقات التى لا يندمون عليها

أستبد بى الفضول كى أتسمع اليهما

لأقترب قليلا

يحمل هواء البحر الى أذنى صوته يهمس لها

انت سعادتى

يلتاع قلبى من شدة ارتجافته

كم هى رقيقه همسته

وكم هى صادقه

انظر اليه لأجد فى قسماته فرحه طاغيه

وسعادة عصفت بوجودة

وجهه

لكم هو جميل ذلك الوجه فى حبورة

أشد برائه ونقاء من صورة طفل

بل هو قلبه

نعم هو قلبه

الذى بث تلك الموجات المتلاحقه

من العاطفه الفياضه التى يحدثها بها

كرهت تطفلى على سعادة قلبيهما

أجبرت نفسى على السير بعيدا

أدعو لهم صادقه بدوام محبتهم

وكل ما يدوى فى كيانى صوته وهو يقول لها

انت سعادتى
.
.

هناك 46 تعليقًا:

Kiara يقول...

اول تعليق

Kiara يقول...

الله سرحت وان بقرا همساتك

الحب حلو بس لو الاتنين بيحبو بعض اصلا

بس مع الحب بجد الانسان بيكون في سعاده ملهاش حلول

mohamed ghalia يقول...

هه مين بيجيب سيرة السعادة
أنا هنا هو ههههههههههههههه
هايل والله ياصفاء
كم هى رائعة همساتك
دمتى بكل الود

مدينـة من النسـاء يقول...

وكأنه جسد لا يحيا إلا بتلك الروح المنبعثة من خلف أسلاك تحمل له الحياة
تحمل له فرح العمـر
صوت اكتفى به من زحام البشر ,, من زحام الدنيا ,, واكتفى به دفئاً حتى لو كان صوتاً
نعم هو الحبـــ
هذا الكائن المقيم فينا بلا صوت ,, أو حتى همـس
ولكنه أقدر أن يحيينا بكل سنين العمر لحظة ,, فاقت أعمار الزمان ..

أعذب تحياتـي لكـ ,, كما عذوبة احساسكـِ

soly88 يقول...

وكأنك تسللت الى قلبه
فوصت وأبدعت

mostafa rayan يقول...

باشا والله العظيم باشا
يا عيني عليكي في الرقة والرومانسية
لاء بحد انتي اتكلمتي عن مشاعر الرجال كما لو كنت منهم وهذه براعة في الكاتب وتدل على حجم موهبته الكبيرة
كمان احساس البنت اللي بتحكي القصة وانها بتبص عليهو وفرحانة بالموقف دة ومن شدة السعادة مش عايزة تكون عزول بينهم
بس هي واضح انها كمان بتدور علي السعادة دي
وفرحت لما لاقيتها مع غيرها ودة دليل على طيبة قلبها ونقاء مشاعرها
لك كل الود يا صديقتي الغالية

غير معرف يقول...

جميل ذلك الشعور الذى يكاد يحاكى الحقيقة بكل تفاصيلها .. مع أمنية من بعيد أن تدوم تلك العلاقة الحميمة .. وكأنك تحابى عليها .. رغم بعدك عنها

أبدعت كعادتك

هانى زينهم يقول...

هى مش قصة هى شئ جميل جدا وواقعى جدا ومتجرب جدا جدا جدا ..
الحاجة الوحيدة اللى تخلى حد يغير المود فى لحظة هى مكالمة من حبيبته ويا سلام بقى لو هو قاعد ع البحر وبيفكر فيها كمان . يعنى خلقتى جو مثالى لحالة عشقية وقتية رائعة .تقبلى تحياتى .
على فكرة الاهداء لجو عشان بعد ومنع تعليقات مدونته من غير وداع حتى . وهو يستاهل الاهداء ده .

صفــــاء يقول...

.
كيارا
******

لو الاتنين بيحبو بعض ترى سعادتهم فى أعينهم
الحب الصادق هو السعادة المطلقه

نورتينى كما دائما
.

صفــــاء يقول...

.
محمد غاليه
*********

طبعا ماهو الطريق الى السعادة انت خير من تعرف به وتعبر عنه
ومعلش بقى اسمحلى أسرقه منك المرة دى
شكرا يا محمد على ذوقك ورقه كلماتك
.

صفــــاء يقول...

.
مدينه من النساء
***************

هو لم يرتاح ولم يأنس لمن حوله
لم يمنحهم من وجودة سوى جسدة
فقلبه هناك ..... معها
روحه ترف حولها

كيانه كله كان يبحث عنها
ولما وجدها ولو عبر اسلاك هاتفيه أنفرجت أساريرة وضحك للمرة الاولى طيله جلسته

بل خالص سلامى ومودتى لصاحبه رهف الشعور
.

صفــــاء يقول...

.
soly88
******

حين يحب الرجل فما بقلبه يطفو على وجهه فتسهل قرائته

خالص سلامى لك وشكرى لمرورك
.

صفــــاء يقول...

.
مصطفى ريان
**********

الباشا هو الذى يبدع دائما ويجود علينا بكل جديد وراقى

وصفت حاله قبل ان يجدها وحاله بعد ان أستطاع ان يبلغها ولو عبر هاتف
فحين يحب أى منا تطفو مشاعرة على وجهه فتسهل رؤيتها وقرائتها
لا نحتاج أى غوص فيهم
ولأنك فنان وأديب فحسك ألادبى خلاك تلاحظ فعلا من كانت تراقب من بعيد وتحلم بهكذا حب بل وتتمنى مثله

صديقى العزيز صافى مودتى واحترامى لك
.

صفــــاء يقول...

.
شريف
*****

بل أحاول المحاباة و تمنى الخير لقلبين بينهم مثل هذا الأرتباط وهذا القرب فى المشاعر رغم البعد فى المسافات

ورغم بعدى أحسست يوما أنى أشد قربا مما يتخيل الجميع
.

صفــــاء يقول...

.
هانى زينهم
*********

لااا دة واضح انك عشت هذا الموقف بالفعل وعشان كدة بتقولى جداوبتشد عليها اوى

أشكرك بشدة على أعجابك وأطرائك
وهى يعنى محاوله بسيطه منى للتعبير

تحياتى لك
.

@alhaidar يقول...

جميلة ..

إلى الأمام دائما ..

أحــوال الهـوي يقول...

تتلاقي اطياف الغرام و تتراسل بشفرات خاصة تترجمها مستقبلات الهوي تفشي اسرار المحبين في غفلة منهم
راقبت الحيرة و الشرود و صدق حدسك بمنطقية الفراسة و الشفافيه انه الحب اذا وعد ابهج و اسر و اذا
سيطر باللوعة تملك من النفوس الوجود

تحياتي

صفــــاء يقول...

.
احمد الحيدر
**********

أشكرك ... كلك ذوق
.

صفــــاء يقول...

.
احوال الهوى
***********

محاوله لصنع قصه ما

وليست فراسه بقدر ما هى أمنيه صادقه

فقد سئمت حقا كل اللوعه والهجر

والعذابات المصاحبه للحب وكأنها لعنه لحقت به
.

قوس قزح يقول...

الله عليكى
و الله على الحب الصادق

انا زيك ساعات براقب الناس
و بفرح بلحظات الحب اللى بشوفها منهم
و بتمنى لهم السعادة

وصفك رائع
هى لحظات فعلا لا يندمون عليها

صفــــاء يقول...

.
قوس قزح
*******

طبعا بما أنك لسه واصله من شرم وطبعا حمد الله على السلامه
فجو البحر موجود معاكى

مراقبه الناس ورؤيه السعادة على وجوههم شئ ممتع
يجعلنا نشعر وكأننا نفرح معهم

أشكرك على كلماتك البديعه
كلك ذوق ورقه

نورتينى جدا
.

!!! عارفة ... مش عارف ليه يقول...

الله
يا صفاء الله

--------------

مش عارف اعلق

بس حاضرني كلمات اغنية لشرين

"كتير بنعشق ولا بنقول
كتير بنعشق ولا بنطول"

إنها لوعة الحب .. السعادة والشقاء معاً

إنها كما قولت أنت .. شيء ما


دومت خلاقة
وليد

zainab يقول...

عزيزتى صفاء

الله ماشاء الله كلماتك جميله قوى و احساسك رائع قوى

ربنا يهنى كل المحبين
تحياتى

فشكووول يقول...

العزيزه صفاء
الحب جميل كم يكون جميلا اذا تلاقيا وكم يسعد الروح والجسد والمعنى
بس البحر اين ويا دوب عندكم فى بنى مزار يا دوب ترعة الابراهيميه اللى واخده من بنى سويف ثم مغاغه ثم الفشن ثم بنى مزار فسمالوط فالمنيا.. اصل رحت الاماكن دى كتير .
ومحافظر المنيا كلها تقريبا تعتبر اقرب الى وجه بحرى منها الى الصعيد وخصوصا بنى مزار فهى الاقرب
جغرافيا بقى بنت عم التاريخ
تحياتى

فشكووول يقول...

كنت عايز اقول ان انا بقيت فى اللينكات مرعب وباعرف كتير فيها
امال ايه .. فشكول بقى

arsenalwy يقول...

كرهت تطفلى على سعادة قلبيهما

أجبرت نفسى على السير بعيدا

أدعو لهم صادقه بدوام محبتهم

وكل ما يدوى فى كيانى صوته وهو يقول لها

انت سعادتى


حلوة اوى

ابدعتى فى وصفك وتعبيرك

saragebaly يقول...

هكذا هو الحبـ

عندما يكون حقيقي وصادق

تُـرسم السعادة على وجوه كليهما

ير ى كل منهما الآخر في كل ما حوله

وكل الدنيا لا تكفي نبضة من قلب الحبيب

او همسة بكلمة عشق ف ي اذنه

فلا يرى الحبيب معنى ف ي قاموس السعادة الا مع حبيبه

ولو كان بداخله جبال تصرخ من الحزن

==========

كلماتك جميلة واحساسك واسلوبك اكتر من رائع

زيارتي الاولى لمدونتك ومش الاخيرة ان شاء الله

تحياتي لكـِ وكل الحب

سارة

د.آيه يقول...

بسم الله الرحمن الرحيم

إيه الحلاوه دى !!
بجد كلامك وو صفك رقيق اوى ..
ده اول مرور ليه ع المدونه و شكله مش هيكون الأخير..
تحياتي

الربان يقول...

تحياتي

و هل هناك ما يجلب السعادة الي قلب الرجل أكثر من امرأة له عاشقة..محبه..
تري فيه دنياها ..و عمرها الماضي و الحاضر و المستقبل...

و أظن ان الامر كذلك بالنسبة للمرأة حينما تجد الرجل العاشق و المحب... الذي يحتويها بكل ما فيها من مشاعر و انوثة و قلب رقيق.


تحياتي و تقديري

Jana يقول...

وكأنك كنتى مرسالا بينهم

رائعا كان وصفك لحالة حب حقيقى والتى لمستيها فقط من خلال نبرات صوت ونظرات عيون ..فكم أنتِ بارعة

أعشق السطور التى تتحول الى بساط طائر يحلق بمن يقرأها

فخالص تحياتى

صفــــاء يقول...

عارفه ... مش عارف ليه !!!
*************************

أشكرك جدا يا وليد وطبعا دة كلام

اعتز بيه من شخصيه لها قدرة متفوقه فى

الكتابه والتعبير عن مشاعر الاخرين
ووصف مواقف واحداث كأنها حقيقيه

دمت بخير
ونورتنى جدا

صفــــاء يقول...

zainab
******

كلك ذوق ورقه ودة طبيعى من واحدة بتحمل كل المشاعر الجميله دى جواها

ودعوة ربنا يهنى كل المحبين دى ندعوها لكى بصفه خاصه
والف مبروك الخطوبه كمان مرة

صفــــاء يقول...

فشكول
*****

عمنا الكبير ذكرت ترعه الأبراهيميه ونسيت نهر النيل بجلاله قدرة
وكلاهما يمر علينا متوازيان

وبعدين الخيال ليس عليه رقيب ولا حاكم وحين نطلق له العنان يأخذنا الى أقاصى الأرض
مش لحد البحر بس

وبعدين يا عمنا متزعلش ... وحياتك انت انا ماشوفت بحر بقالى اكتر من 9 سنين

و طبعا ولازما وحتما تبقى خبير لينكات مرعب
اللى انت عملته فى المدونه بتاعتك دة يرعب بلد

صفــــاء يقول...

arsenalwy
**********

أشكرك جدا على مديحك الجميل والاحلى

طبعا هى زيارتك الرقيقه

شرفتنى جدا

صفــــاء يقول...

saragebaly
**********

بل أحساسك انت بالحب هو الاكثر من رائع
فالمشاعر ليست شئ مخجل او مهين كى تخفى عن العيون

بل هو السعادة فى قلوب البشر حين تفيض بالبشر على وجوههم

عزيزتى خبرينى كيف لمن بداخله تتدفق الفرحه ان تجثم على أنفاسه جبال الحزن ؟

زيارتك شرفتنى وأسعدتنى لأنها أدت أيضا الى تعرفى على مدونتك شديدة الرقه
وأتمنى الدوام

مودتى وأحترامى ايضا

صفــــاء يقول...

د. آيه
*******

انت احلى يا دكتور

وأرق ... شرفتنى زيارتك جدا

وانا ايضا أتمنى دوام التعارف

نورتينى وأسعدتينى

صفــــاء يقول...

الربان
******

وهل هناك ما ينير قلب المرأة ويضيى حياتها مثل رجل يحبها وقبل ذلك يحنو عليها وتلقى عطفه فتستكين له وتأنس لحبه
قبل أى شئ فالمرأة أن لم تلقى الرحمه قبل المحبه والاحتواء قبل الرعايه تشعر بعدم الامان وهو لها بشعور قاتل

شرفتنى جدا جدا بالزيارة وأسعدنى بشدة تقديرك

صفــــاء يقول...

jana
*****

حين يغرق البشر بالمحبه تطفو على وجوههم السعادة فلا تحتاجين الى مهارات خاصه كى تريها وتقرئيها وتترجمى نبرات الصوت ورسائل العيون

أطرائك يسعدنى ويخجلنى جدا
ورأيك أحترمه للغايه

أحترامى لكريم شخصك
.

ع نوتة يقول...

بجد هى قصة جميلة جدا

صفــــاء يقول...

.
جيل النصر القريب
*****************

أشكرك بشدة على اعجابك

وعلى زيارتك
.

هــو..مش ..نـو يقول...

الحب...أحساس صادق ونبيل
ولا يعرف الحب غير المحبين
ولا حب بلا وفاء
والوفاء هجر او نفر من البني آدمين
فيه وفاء؟ فيه حب!!
والوفاء ...والصفاء ...متلازمين
مش كده ولا ايييييه؟
===هوهو===

Hanan Said يقول...

صفاء
بجد بجد مش عارفه اقولك ايه
القصه اكتر من رائعه
اخذتيني مع صوته وملامح وجهه حتى استشعرت حبه
وكأني اقف معكي
كم هو رائع الحب
كم هو الحياه
صفاء
حقا ان لاسمك نصيب في كلماتك
فقد استشعرت ذلك الصفاء والنقاء في تعبيراتك
تحياتي لك حبيبتي

صفــــاء يقول...

هو..مش..نو
***********

أكيد طبعا كلام حضرتك مظبوط

شرفتنى بالزيارة

نورتينى
.

صفــــاء يقول...

حنان سعيد
*********

حبيبى انت ألاحى والارق والاكثر صفاء

ربنا يخليكى يا حنان كلك ذوق

وبجد مبسوطه جدا ان المحاوله بتاعتى لكتابه قصه ما عجبتك

شكرا بجد ليكى ولذوقك

ومتحرمش من زياراتك الرائعه
.

فشكووول يقول...

البنت الحلوه العسوله السكوره صفاء
تحياتى
اصل فيه خناقه فكريه بينى وبين فركشاوى واحنا اعلنا الحرب الفكريه على بعضنا بس انا لما احس انى حاتغلب اخد ديلى فى سنانى واجرى على طول
اقول لك نكته عن المنايفه حصلت معايا

كنت فى بنى سويف فى لجنه وبعدين موظف سألنى انت منين يا استاذ احمد فقلت له حتزعل .. قال ليه هما المنايفه مش بيزعلوا حد .. طب مين عرفه بقى انى منوفى
.. بس خلصت النكته

فشكووول يقول...

انا ما ليش دعوه يا صفاء .. هو فركشاوى اللى عايز يولعها حريقه
بمناسبة انكم بتولعوا فى القطر وبتندبحوا وانتم نايمين .. فكرتيى بالموضوع اللى كان ايامها يدمى قلبى واللى اتهموا فيه قال واحد مجنون ..
ولو انه جاء متأخرا كثيرا ولكن عزائى لكل اهالى بنى مزار فى فقدائهم من هذه المذبحه الغادره
وانا مش ناوى اعلن الحرب عليك ولا حاجه .. انا راجل مسالم وما ليش دعوه بفركشة فركشاوى .. انا راجل غلبان وخلاص
.. اصل السكه بقت قصيره وكل شويه ناخد السكه قياسه وخلاص .. تحياتى

s