السبت، 7 مارس، 2009

عالم الوان

.
الهرب ؟

ترانى أهرب ؟

مما أهرب ... ممن أهرب

نعم أوقات اختفى . أختبئ

لكنى ابدا لا أهرب

فكيف يفر المرء من نفسه

من عقله

يراودنى الهرب عن نفسه

كـ حلم دائم ألالحاح

فــ أختبئ بــ عالم بعيد

الأفكار فيه خيول بيضاء سوداء رماديه شهباء

تعدو فى سهول شاسعه شاسعه

فى كل الأتجاهات

تتصادم تتواجه تتطاحن

تنطلق من عقالها

تفر من بعضها

فلا أستطيع جمعها ولا أستطيع اللحاق بها

ولا يثبت أى منها فى رأسى

علّىّ أجد فى أحداها أجابه

لكن هيهات هيهات

خيول نافرة بريه عاجزة عن الخضوع

عصيه على الأسر

وأحيانا تكون نجمات

نعم نجمات

فضيات لامعات

تسكن فى أعلى سموات

تداعب وجه القمر

تختبئ وراء الغيمات

تنزلق فوق قوس قزح

وتسافر بين المجرات

وتارة تكون بحيرة راكدة

تنام عند سفح جبل

تتمطأ كل صباح على تغريدة عصفور

تستظل تحت فروع أشجار الحور

أو نبع من ماء رائق

أو غضب لبحر هائج

أو رحله لنهر ثائر

يتلاطم بين الجنبات
.
أو قطه ذات مخالب
.
او وردة لها أشواك
.
او حوريه تسكن بالاعماق

او . او . او

ملاين ملاين الاختيارات

هذا كل ما عندى من اجابات

لسؤال غير قليل الطرح

حين تهربين

أين تذهبين ؟
.
.

هناك 22 تعليقًا:

سلوى يقول...

أسهلها لك

بلاش تهربي أصلا

وتهربي ليه؟

ولو لازم يعني
خلاص هسهلها لك برضه وأحل لك السؤال

بتاع أين تذهبين:)
أقولك
لكل من أحبك تذهبين
وهناك
لن تكوني بحاجه لأن تهربين
هناك
بالحياه ستتشبثين
ومن قلبك ستضحكين
وتتساءلين
كيف يوما أردتي أن تهربين

*******
إيه ده كل ده تعليق
إنه تعليق من وحي موضوعك :))

هانى زينهم يقول...

احيانا الهرب بيبقى من نفسنا عشان ما نواجهاش بحاجات احنا عارفين انها هتضايقنا . وساعات بنهرب من ناس قريبين عارفين انهم هيواجهونا بعيوبنا فى وقت بنبقى فيه مستويين ومش عايزين الا ايد تطبطب بس . باحس كتير ان الهرب فى حد ذاته متعة كبيرة اوى ونعمة مش عند كل الناس . تحياتى .

مسدس صغير يقول...

الأفكار فيه خيول بيضاء سوداء رماديه شهباء

تعدو فى سهول شاسعه شاسعه

فى كل الأتجاهات

تتصادم تتواجه تتطاحن

......

كلمات جميلة رائعة دافئة اشكرك عليها

الحرامي يقول...

اسلوبك جميل وخيالك حصان جامح
ليس له لجام
جميل قوي

مدينـة من النسـاء يقول...

فلنكن ما نكون ..
فقط ننتظـر عودتنا إلينا بصبـر لن يمل الإنتظـار
ولنكن على كل صوره ,, نرتدى ألف قناع وقناع
نرتحل بين بحـور كل الدنيا
نبحـر من السطح إلى القـاع
نشعـر ما نشعـر
نسكن كل الأمواج
لكن حذار يا نفسـي ,, من الغـرق

أعمق تحيـه ..

Lady ** يقول...

الهروب.. صرخة الصامتين.. ولعنة التائهين

عزيزتي كما عودتي نفسك.. لا تهربي بل ابحثي عن الإجابة في ثنايا قلبك.. أو في ملامح من أحببتي

كوني الأقوى رغم خيارات الهروب

دمتي

صوت من مصر يقول...

ليه الهروب من الالوان دى كلها احنا مش هنقدر نهرب خالص

!!! عارفة ... مش عارف ليه يقول...

الهروب لحظة ضعف

يكون الهرب فيه إرتجالياً لا يخضع لمنطق

وإن خضع لمنطق ما هربنا في الاساس بل واجهنا ما نريد الهرب منه

-----------

كلماتك صادقة

تفتح أفاق الحوار مع النفس

للتفكر والتدبر



خالص تحياتي
وليد

كيــــــــــــارا يقول...

مش هقول غير انك مالكيش حل

بتبهريني دايما بشفافيتك

شجر الليمون يقول...

السلام عليكم ورحمة الله
عزيزتي صفاء
لنزار قباني قصيدة تلك بعض من أبياتها

لافرق في مدن الغبار .. صديقتي

مابين صورة شاعر.. ومقاولِ..

...

يارب: إن لكل جرح ساحلا

وأنا جراحاتي بغير سواحلِ

كل المنافي لا تبدد وحشتي

مادام منفاي الكبير .. بداخلي

فيا سيدتي كيف يكون الرحيل منك وإليكي فشواك من عالمك الداخلي وليس ممن حولك أو قد يؤثرون ولكن عادة يكون الهروب النفسي بسبب عدم استقرار ذات الشخص

لك كل التقدير سيدتي علي تلك الكلمات الرائعة
وشكرا
الرسم بالكلمات

احلام اليقظة يقول...

أحيانا يكون الهروب ضعف عن المواجهه
وأحيانا أخرى يكون الهروب هو المواجهه

المهم ان لا نهرب من الواقع الى الخيال
لان الخيال يكون جداً مزين ملون راقى وزائل
والواقع جداً معتم وثابت
وهنلف نلف ونرجع للواقع
.........

تعرفى
احنا لما بنهرب من شىء بنضحك على روحنا ...لان كل اللى بنعملة اننا بنخلق باب خلفى نروح بيه للى بنهرب منه
:)
فإذا كنت أهرب منك اليك فقل لى بربك أين المفر..فاروق جويدة

طيب ممكن نهرب أنا وأنتِ؟؟
بس شوفى لنا ركوبه حلوة كدة مش أقل من همــــــر حصاوى
:)

احترامى وودى

Beram ElMasry يقول...

الاخت العزيزة صفاء
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير ولجميع اهلك ومن تحبين
وكل عام وانتم فى سعادة وسرور
لك تحياتى والسلام عليكم ، ولا سلام مع اليهود

كلام على بلاطة يقول...

نقتل فى بعضينا ونحتل اراضينا ونقول عملوها الاجانب

وناخد مواقف غلط وناكل الزلط وننحاز لاسوأ جانـــــب

ونبكى ونتباكى ونشكى ونتشاكى بوداعة الارانـــــــــــب

ونكذب ونتكاذب وبالعداوة نتجاذب مع كل الجوانــــــــب

نتأمر وكاننا نتسامر وفى الواقع نتحامر حـــمورية فظيعة

فالقتل على الهوية وبالبــــــندقية وبكل الطرق الوضيعة

ولا نفرق بين شيخ ولا شاب ولا امرأة وطفلتها الوضيعة

المهم الانجاز بالتفجير والاعجاز والطلقات السريعـــــــــة

ونقول ببراءة عملوها الاجانب دون قراءة الواقع والطبيعة


ـــــــــــــــــــــــــــــــــــــــــــــــــــــــــ

د. ياسر عمر عبد الفتاح يقول...

جامدة جداً جداً جداً
إيه الخيال ده كله

بس الواحد طول مهو عمال يقرأ
خيول وأفكار وغيماء ونجمات وهبة مرة واحدة

تتزحلق

مش عارف ليه حسيت إنها شاذة كده

mohamed talaat يقول...

حلوة يا صفاء... :)
بس ليه الحاجات اللي اختارتيها دي بالذات,ايه المشترك فيها و خلاكي تختاريها,عايز اعرف ده من وجهه نظرك؟

اقصوصه يقول...

ااااااااه

كلنا نهرب احيانا

نهرب من وايد امور

يوم نحس بالعجز

وباليأس من الحياه

ما نقدر نعترف بعجزنا

وبالتالي نلجا الى الهروب

الهروب من ضعفنا

بس اخرؤ شي لازم نرجع

ونواجه اللي هربنا منه!!

بسنت يقول...

طيب هو سؤال تانى
وليه الهرب اصلا؟
لو كنت فى كل المواضع دى لا اعتقد انى ههرب ان يمكن هستمتع
انى اكون نجمه او بحيره او حتى موجه
دا جمال وسحر الطبيعه اللى بنخلقها لنفسنا حتى لو بالاحلام

كل سنه وانتى طيبه

Sherif يقول...

نهرب لأننا لم نجد بغيتنا .. الى مجهول نظنه أملا ..

فننظر الى القمر .. ونجده متلألئا بديعا .. فاذا وصلنا اليه .. وجدناه بعض صخور .. وحجارة لاتغنى شيئا ..

ان الضوء البعيد يغرى بالاقتراب .. يشدنا اليه .. وليس الهروب لعنة أبدا .. بل هو أمل متجدد .. يمنحنا القدرة على الحياة .. واستكمال المسير

بشرط .. الا نصل ..

mohamed talaat يقول...

" خيول بيضاء سوداء رماديه شهباء"
"وأحيانا تكون نجمات"
"وتارة تكون بحيرة راكدة "
"أو قطه ذات مخالب.او وردة لها أشواك."
"او حوريه تسكن بالاعماق"

الحاجات دي تحديدا ايه اللي انتي شايفاه مشترك بينها..
يعني انا داما لما ببقى عايز اهرب,بيبقى نفسي اهرب لمكان معين,احساس معين,حتى و انا بهرب بيبقى عندي امل اني اهرب لحاجة انا بجد بحبها مش اهرب لأي حاجة و خلاص.
كنت عايز اعرف انتي بتحبي ايه في الحاجات دي...؟
و بجد انا دايما بحب اقرأ لك جدا.و دايما بتكتبي احسن و احسن ما شاء الله

Beram ElMasry يقول...

العزيزة ، صفـــــاء
السلام عليكم ورحمة الله وبركاته
وانت فى صحة وسرور
اسعدتنى زيارتك وسرنى تعليقك
وتكمل السعادة بمعاودة الزيارة
لك تحياتى والسلام عليكم ، ولا سلام مع اليهود

الربان يقول...

تحياتي

الهروب او التقدم للخلف... في ظل هذا
الموقف تختلط الاشياء...و تتباين الالوان
و كما قلتي حضرتك...خيول ..سهول..نجمات
يعني في رأيي اختلاط الاشياء و تداخلها
مع بعضها لان الهروب يغير الحالة الفسيولوجية للهارب...

تُري الهروب هنا يعني الماضي... ام انه يعني الحاضر الذي قد يكون مؤلما و نريد
ان نلقي به الي اللاشعور...
ام قد يكون المستقبل و ما يكتنفه من غموض و مجهول الاشياء...

عموما التعبيرات جميلة...و الموضوع يستدرج القاريء لاعمال فكره و ذهنه.


تحياتي و تقديري

صفـــــاء يقول...

سلوى
*****
هانى زينهم
*********
مسدس صغير
*********
الحرامى
*******
مدينه من النساء
****************
Lady
*****
صوت من مصر
***********
عارفه مش عارف ليه
******************
كيارا
*****
شجر الليمون
************
احلام اليقظه
************
بيرم المصرى
**********
كلام على بلاطه
*************
د/ ياسر عبد الفتاح
*******************
محمد طلعت
********
اقصوصه
******
بسنت
*****
شريف
*****
الربان
*******
شكرا لكل صديق عزيز قام بالتعليق ولكل فكرة قيلت ووجهه نظر طرحت
وكل تقدير او اعجاب

وان كانت الخاطرة ليست عن الهرب فقد قلت انى لست اهرب
لكن المواجهه وقوة التحمل والتحدى لا تعنى ان يظل المرء حاملاً سيفه وماضى للقتال حتى يمل وجودة وتزهق روحه

وأحيانا تزداد الضغوط على المرء حتى تسحقه تحتها فهل أذا أبتعدنا من تحت كل هكذا حمل هل نصبح هاربين ؟

وليس دائما الهرب يكون الى حزن
حين تزداد وطأ الدنيا يجب اوقات ان نبتعد كى نرى الصورة من بعيد
وأوقات نهرب لواحه من الصور الجميله والالوان المتعددة
بعضها يحوى سماء او يحوى ماء
عالم من الازهار او من البحار

كل يلجأ الى ما يعينه على التحمل والتجدد
كل ما يسمح برؤيه الصورة شامله وعامه من بعيد
كى يتمكن الانسان من العودة وقد ألتقط بعض أنفاس تعينه على المواصله

s