الأحد، 14 فبراير 2010

شوقاً لك



الأن ... أرغب فى أن اتكلم معك



أسمع صوتك



أطمئن بك



لا أريد ان أشكو لك هم أو اسئلك حاجه



فقط أن أسمع صوتك



أرتاح إلى وجودك



أشعر أن العالم فراغ



خوائه له صدى



ورجعه له رنين



حين جلست لــ أكتب لك



كانت نيتى رساله حب



أن أخبرك كم أحبك ومدى أشتياقى لك



فــ ما طاوعتنى يدى ولا هاودنى قلمي



بل ظلت فكرة واحدة تلح علىّ



تطاردنى



توسوس فى أذنى



تصرخ فى بالى



أن حادثيه



كلميه



أسمعى صوته



قولى له كم تحبينه



وكيف تتقاذفك الوحدة بدونه



هيا ... أذهبي إلى هاتفك



هيا ... ألتقطيه



أخبريه كم تفتقدينه



ألقى بنفسك بين حنايا قلبه



دعيه يحتويكي ... ولو ببضع كلمات



صوته هو جزء منه



بعض نفسه



أجعليه يروى روحك العطشه بكلمه أحبك



قد تزهرى ببعض زنابق حب بيضاء



أو يعقد فوق رأسك تاج من أكليل نضر



يرطب هجير فراقه



هيا ... اذهبى



ولا تترددي



قبل أن أخطو إليه فى يقين



وجدته



سبقنى



همس فى شوق



أحبك


هناك 20 تعليقًا:

promise is promise يقول...

يا خبر ابيض

انا هسكت

الصمت فى قصر الجمال جمااااااااااال

سلوى يقول...

:)

!!! عارفة ... مش عارف ليه يقول...

القلوب عند بعضها :)

صوت من مصر يقول...

صفاء مزهقتيش من كلام عن الحب

أحــوال الهـوي يقول...

اخيرا نطق ابو الهول

تعرفي ان اصعب كلمة ممكن تتقال هي الافشاء بسر الحب لاول مره
لانها احاسيس مختلطة بالنشوة و القلق بالفرحه و التربص بالوحده و الاحتواء

كلمة عجيبه و صعبة اذا كانت نابعه من القلب
و ده مش كلام مرسل ولكنه من الكمياء الحيويه والافرازات الهرمونيه بالجسم
اعراض كده زي الهلوسه

تدوينه رائعه بها المشاعر الحقيقية

تحياتي

أحمد الصعيدي يقول...

تدفق غائر في بحر الشوق

ما أعذب كلماتك واحساسك

السلام عليكم ورحمة الله

غير معرف يقول...

حلو اوي الكلام

بجد موش عارفه اعلق .... احساسك جميل يا صفاء

تحياتي

صفــــاء يقول...

الوعد الحق
***********
نهارك أبيض
أنت أجمل

-------------------

سلوى
******
ربنا يخلي أبتسامتك

-------------------

وليد
*****
دة حقيقي :)

-------------------

صوت من مصر
***********
لا

--------------------

أحوال الهوى
************
أبو الهول دة هو والا المدونه ؟

وتعرف أنها أحلى كلمه ممكن تتقال وأروع أفشاء
بتبقى فرحه قلب طفل بليله عيد

سر أعجازها ... مش عارفه , لكن بتخلى أتنين أغراب لا يربطهم اى رابط
شخص واحد ... يصبحوا أقرب أثنين على وجه الأرض
بما يشتركو به من حب وأسرار وتقارب وضحكات مشتركه
هلوسه هلوسه ... بس لذيذة
تدوينه لا تضاهى بعض ما تكتب
تحياتى لك

-------------------

أحمد الصعيدي
*************
وما أرق زيارتك وتشبيهك

وعليكم السلام

-------------------

فتاة من الصعيد
****************
انت أحلى

مش لازم اى تعليق والأجمل أن تمرى بالزيارة

Unknown يقول...

احسدك لانك وجدتيه

اما انا فاينها

شعر بك وسبقكى
اما انا اناجي الهواء

elsha3er يقول...

السلام عليكم

احساسك جميل وعالى اوى

تقبلى


تحياتى

احمد الشاعر

Hanan Said يقول...

الله عليكي يا قمر
بجد تسلمي ويسلم كلامك الجميل
بجد مش عارفه اقولك ايه على رقه كلماتك وجمالها
تحياتي لك حبيبتي

mohamed ghalia يقول...

تحفة بجد ياصفاء
اظاهر المعرض اتى بثماره ههههههههه
ربنا يوفقك

صفــــاء يقول...

العيسوى الصغير
****************
إن شاء الله ستجدها
ولا احد يظل يناجى الهواء طيله عمرة
ستجدها ... وتسعد بها

شرفتنى بالزيارة

-------------------

الشاعر
********
وعليكم السلام
أشكرك ... أحساسك اجمل وأرقى

سعيدة بزيارتك

--------------------

حنان سعيد
***********
هلا بقمر الرومانسيه كلها
تسلمي يا جميله وتسلم لى زياراتك الرائعه دى
كل التحيه والمحبه لك

--------------------

محمد غاليه
***********
ربنا يخليك يا محمد شكرا
بس ماله المعرض
شرفتنى كما العادة

غير معرف يقول...

احساس الكلام رائع

حلمى البعيد يقول...

االسلام عليكم

أول زياره ليا في المدونه بس بجد رائعه

تسلم الأيادى

كلمات تعبر عن إحساسك

رعاكى الله وحفظك

تقبلى مرورى

د.آيه يقول...

الصمت فى قصر الجمال جمااااااااااال

فعلا عجبتنى الجملة دي ..


---------
هو فعلا مش جايبنا لورا غير الصمت .. و الاندفاع أحيانا مش بيكون جنون بيكون بس اعتراف بالحب .. ما أجمله إعتراف.. و ما أجملك كاتبه!

Abd-Alrahman يقول...

كلماتك رائعة
منتقاه بعناية ومثيرة للاهتمام
عجبني جدا البوست بتاعك
كمان مدونتك ليها طابع خاص مختلف عن كل المدونات الي دخلتها

بجد زوقك في اختيار الاستايل تحفة
يمكن اول مرة ازورها

بس بجد استمتعت بوقتي معاها


تحياتي

في انتظار زيارتك
الصيدلي المطحون

صفــــاء يقول...

بنوته مصريه جدا جدا
********************

أشكرك بجد
شرفتينى بالزيارة جدا

-------------------

حلمي البعيد
*************
وعليكم السلام
سعيدة بأول زيارة وأشكرك على ذوقك
ربنا يخليك

سعيدة أكتر أن الكلام عجبك
شكرا لدعائك
تحياتى لك

---------------------

د.آيه
*******
الدكتورة صاحبه الأحساس الفنى البديع

فى الحب ... الصمت = خسارة
والأندفاع = الأستمتاع بلحظه حب أضافيه

عايزة الحق بقى ... والله مافى كاتبه اجمل منك
بتنورى المكان دايما يا قمر

--------------------

د/عبدالرحمن
**************
الأروع زيارتك وتشريفك ليا
وأعجابك بخواطر بسيطه

الأستايل عجبنى جدا لما شوفته وحسيته مختلف وغريب ويتناسب مع موضوع المدونه ككل
سعيدة كمان مرة بأعجابك وأتمنى دوام الزيارة وإن شاء الله أتعرف على مدونتك
شرفتنى جدا

سمكه واحده يقول...

صفصف
اخبارك ايه؟؟؟؟؟؟؟؟؟؟
وحشاني موت يابنتي
طبعا مفيش تعليق عشان مش عارفه اعلق ياستي
تسلم ايدك
اللي اقدر اقوله
تحياتي

صفــــاء يقول...

سمكه الجميله
**************
انت الأحلى مليوووون مرة

ربنا يخليكي ولا يحرمنى من سؤالك ولا حضورك

وإن شاء الله لنا قعدة طوووويله مع بعض

s